bi etz wider zrugg, und ha sogar es bett fuer di ganz naegscht wuche, muss zwar ei mal szimmer waechsle, aber das isch noed sooo tragisch..
faehlet mer gad mal wider chi alli tuetsche woertlis..

hallooooo
ich bin doch eifach super, isch mer irgendwaenn no in sinn cho, dass ich ja no gar kaes bett reserviert ha in l.a. uuund etz isch natuerlich scho uusbuechet..morn haets no eis frei gha, mal luege ebs mer daenn no irgendwo eis findet..susch schlafe ebe ufm sofa im ufenthaltsruum, i de lobby oder gar noed es paar naecht lang :D
och und ha huet mis boogieboard uusprobiert, bin glaub absolut antitalentiert, ha mich noed mal choene entscheide, welle fuess dasi wott vore ha, chli sglich wi bim skate und boarde..ich glaub, das wird e reinkarnation zum tischli erlaebe..i de schwiiz chani das ja daenn definitiv eh noed bruche..

fuer mis mami und alli andere wo 'nussigi' nuess waennd:
http://www.maunaloa.com/

uuh, bin huet am morge am 2 uufgstande zum de sunneundergang vom vulkan uus aazluege..bi mer noed so schluessig, ebs das au wuerkli waert gsi isch, han dbildli nani aaglueget, sind zwar uf cd und het etz no paar welle ufe lade, aber gsehs nuem so ganz, meeeega uebermuedet und im moment isch gad alles nuno luschtig.. :)
nachem sunneundergang luege/fruehre simmer goge so richtig pancakeamerikanischzmorgeaesse, auto zrugg bringe, steffi verabschiede und laedele..weiss gar nuem, was ich alles kauft ha, aber zumindescht es boogieboard, wohni daenn morn gad wott uusprobiere bim schnorchle :) hoff bis daenn bini wider wach ;)
liebi gruess und schoene tag und so,
raja

han gad smail kriegt, mis flugi zrugg isch am dunnschtig..waer mer etz eigentli ae no fascht glich gsi, ich waer ersch am maentig zrugg gfloge..daenn gettis villich wueki no zum surfe gschafft, morn wird naemmli nuet, willi niemert gfunde ha wo mitcho waer..

halloele,
ha taenkt, bevori mis strassemusikerdasi notgedrungenermasse verprofessionalisiere, starti e umfrag:
wer weiss en dummie-job fuer mich fu ein, zwei monet?

vom wettbewerb usgschlossni antworte sind:
gruezi-mir-sind-super-und-si-muend-umbedingt-oisi-staubsugend-quitscheente-
poschte! eb-si waend-oder-noed!-call center-vorschlaeg sowie kantonali verwaltige i eim vo de schwizer URkantoen mit eim ftp-nationaratssitz und zwei cvp-staenderaet, will mini bundesratskandidaturchance dadur choentet krass verringeret werde; und ich ja kei kaffi trink ;)

zguenne gits entweder en original echtheitszertifizierte, handufg-/erlaesene, rajaexportierte mauikraterbimsstei oder es original rajahaar mit schoppepulvernachwiis!!!!!!

hallo,
bin huet 12 mile dur de groescht angeblich inaktiv vulkan vo de waelt gloffe..sletscht mal wueki gspoitzt haet de 1790 und etz soells die naegste 100'000 jahr nuet grosses gaeh, was ich ja noed so wueki glaube..
dlandschaft isch zimi abwaechsligsriech gsi, vo aeschewueschti, ueber iisgstorbni stei-mondlandschaft zu halbem raeagewald..und di letschte 4 mile numeno irgend es felswaegli de berg uf durd wulche..

http://www.nps.gov/hale/
craterlivecam: http://banana.ifa.hawaii.edu/crater/

so langsam ischs luschtig, di tuetsche haend sgfuehl, ich segi tuetsch und damis haend sgfuehl, di offiziell sprach i de schwiiz seg aenglisch :D

huet go irgendwelche andere sandstrand aaluege, 'raegewald ' chlaettere (gseht allerdings oeppe glich uus, wi bi ois) und touri-hippie-doerfli inspiziere und morn uaaaa, vom halbi 9i bis am halbi 9i go 'wandere' (das wort isch eifach sooo grusig)..mal luege..
und mit surfe gsehts scho biz besser uus..bi zwar huet noed go bade, will ich immernachi es waelletrauma vo gester han, aber de eint vo dene tour-guide-busfahrer haet gmeint, waenni no paar luet chaeng uuftriebe, chaenger ois am maentig chi unterricht gaeh..nur haet bis etz no niemmer welle mit cho..

dasses luet git, wo nach jedem glaesne email sganze browserfaenschter zue mached, alles wider uufstartet und sich wider noi ufd homepage iloged, zums naegste mail laese, han ich ja scho muesse feststelle, aber dasses soetig git, wo dezue no d'netzwerkiistellige ufmached antstaatt de firefox hani etz echt gad fasch noed choene glaube..

und i einezwaenzg tag wird ich einezwaenzgi :) ..aemel bi oi..bi mir sinds no zweiezwaenzg..

uaaa, gaebt ja so vill zverzelle und vorallem no sooo vill foeteli vo gester und vorgester ue zlade..aber bin vill zmued..machi daenn morn morge oder so..

bin huet a drue verschiedene straend gsi und mit de schildchroetli go schwueme (aso eigentli sinds riiiiiesig) und chi go boogieboarde und chli vill underd waelle cho..und ha etz immerno sand i de haare und am hals und hinder de ohre und zwuesched de zaie und vorallem i de ohre..obwohli fascht mini ganz seife uufbrucht ha und sooo lang tusched han..und eigentli hets no sooo vill zverzelle gaeh, aber irgendwie chund mer eifach nuet meh in sinn..morn gahts in raegewald, glaubs..

ach und ich hans mal wider super breicht mit mine zimmer, zersch bini im elfi gsi, nachher haends mi is zwei verleit und ich ha erfahre, dass s'elfi volle bedbugs gsi isch (so chlini bruni, bluetsuugendi chaefer), ha aber nuet gha! und etz bini huet morge uufgstande und mini ganze aerm verstoche - im zimmer wos ja eigentli kaei het soelle ha..han etz scho wider es nois uebercho..

bi etz zmaui..vorig gad aacho :) gseht chi uus wi, hmm, hawaii hald so uusgseht, hald eifach mit meh hueser, als mer sichs wuer vorstelle und de strand hani au noed grad vor de huustuere..und oeffentliche vercher gits da kei..aber de swimmingpool isch irgendwo a dere strass, de jacuzzi im garte, dhaengematte au und de shuttle zum meer am morge am 20 vor 10ni..wirds also scho irgendwie schaffe..surfschuelflyer hani bis etz mal 4 gfunde -und wie choents au andersch si, es staht i allne oeppe sglich ;) mal gucken ebi das wueki no schaffe..gang morn aemel villich mitm hostel go schnorchel-buddha-sunneuntergangtour mache..villich..git no viiiill ztue da,
liebi gruess vo kahului oder so oeppis,
raja

och neeeei, etz hani oeppe 10 min a dem iitrag gschribe und woni fertig gsi bi, haets alles gloescht.. :'(
also nomal: bi huet wider go giige gsi :) no witzig, ich und drue meh oder weniger alti manne am strasseegge zmittzt in hollywood am ab blatt spiele, umespiele, gittarre verchaufe und giige uusprobiere..verchauft haemmer allerdings de ganz tag nuet ussertm keyboard wo eigentli zum stimme gsi isch undm metronom usm einte sim auto, aemel i dene 2h wo ich det gsi bi..
ha huet mal wider mini traumgiige gfunde, oeppe 150 jaehrig, fascht schwarz, en loiechopf als schnaegg und zimlich super ton, vorallem waenn si daenn mal noed di billigste saite druf haet, waer si sicher no superer..aber choschtet 1800 dollar haetter gmeint, obwohl si zimi sicher mindestens sdopplete wert isch..er haet si huet extra mit gno gha zum mir zeige und welle wuesse, was ich dezue mein und so..villich findi ja no eini wo gliich uusgseht, mindestens glich toent und mer villich sogar no chi besser i de hand lieht, er haet ja oeppe 50 dihaeime..
und mini chli haemmer putzt und goelet und e noi saite druf ta und en andere fiinstimmer und mit me richtige boge (noed eim mit praktisch fascht kei haar wi mim) toent si gar noed so leid! nuet im verglich mit de andere meisterinstrument woni huet gspielt ha, aber si isch guet spielbar und einiges besser als es paar woni dihaei ha ;) was ja au noed so schwirig isch ;)
und er haet gmeint, er heg e schueleri wo die villich wuer abchaufe, will die e besseri bruchi (was ja scho mal fuer mini spricht) und er haet au gmeint, ich soell mir en gfaeltsche uuswiis p0schte fuer 20 dollar und ad uni go gratis-giigestunde naeh und er bringi mich problemlos is jugendsinfonieorchester vo californie, das haeter gester scho paar mal gseit gha, aber das nuetzt mir ja noed so vill..
muessi mich uf all faell wider maelde waenn ich zrugg seg, und das machi glaub au, chi go umegiigele am strasseegge am wuchendend isch aemel luschtiger als ellei am strand zligge :)

appropos strand: mis flugi uf maui isch am tsiischtig und vom rueckflug hani no nuet ghoert, dae haends glaub irgendwie vergaesse gha..

schoeni wuche!
raja

hallo,
also eigentli bini scho sit foif stund oder so im bett..aber da ja immer alles chi andersch chunt, allsis vorgseh..

bi huet mit de einte vom zimmer ines zimlichs luxushotel am hollywood blvd. go bade..sind eifach inegloffe und uf eine vo dene ligistuel glaege, haet zwar zimi vill security gha, aber haet kaenne oeppis gseit..mached glaub no paar luet so :) zumindest de ufm ligistuel naebed drah haet au noed is hotel ghoert.. http://marriott.com/property/phototour.mi?marshaCode=laxrh&pageID=HWHOM&imageID=0&WT_Ref=prop

ufm waeg det hi, hani ame strasseegge oepper gseh gha wo giige verchauft und nachem baedele bini daenn gad det here zrugg gloffe..sind paar musiker gsi wo gittarre und giige verchauft haend, bi ueber e stund det gsi, chi kluggscheisseret und aaaalli giige wos gha haet dure gspielt, oeppe 6, und no ei bratsche, serscht mal :) isch no schoen zum spiele, wills vill meh mitschwingt.
gang morn wahrschindli namal, nama chi go umegiigele :) *freu*

uunglaublich, es isch etz scho de 2. tag schoens waetter in l.a.!?!?!?!?!
ha aber glich mal en flug nach maui buechet, weiss nur nani, waenns daenn au wuerklich so wiit isch..wahrschindli aafangs naegscht wuche :)

chicago
isch hald biz es durenand worde, aber hauptsach ufe glade :) -und NEI, das isch keis herzigs bueseli!..

philadelphia
..vo da aa sind alli foeteli mit de noie camera gmacht..unschwer drah zerchaenne, dass praktisch alli nach raechts chrum sind.. :D

new york

boston