halloooo
bi etz wider zl.a., isch no komisch gsi, ha gad gmerkt gha, wod stadt aagfange gha haet, plötzli alli strasse dopplet so breit und alles riiiiesig und grau..naja, bliib ämel noed lang, naegscht tsischtig gahts uf boston, sofern das mitm flugbueche au wuerkli klappt haet, und daenn abe nach miami, zu de samy..die weiss allerdings no nuet vo ihrem glueck.. ha eigentli noed vor gha, scho so gli gad zgah, aber szugabo fuer die säb helfti vo amerika isch nachem 25igste vill tuerer..und drum ebe etz scho..


und huet ischs sogar zur abwächslig mal sunnig gsi in l.a.!!!!!!

hallo
ga morn wider zrugg uf l.a...mal luege, wi langi daenn det au bliib..
hoff ihr haend all en guete muetertag gha,
liebi gruess
raja

hmhm, aso ich chan nahmaesse sovill ich wott, ich chum nume mit bschiisse uf 14 inch, was ere 4/4tel wuer entschpraeche..irgendwie gits immer 13.25, 13 waer 3/4tel, 13.5 7/8tel..naja, fuer de moment tuet sis aemel :) cha si ja daenn verschaenke oder so, waenni wider i de schwiiz bi..aber etz hani wenigschtens ma fuer es ziitli die giige wo so uusgseht, winis immer ha welle..und stradivari isch si au ;)

uaaa, gad e giige kauft :) ..ich weiss, villi vo oi werdet das etz mit chopfschuettle laese (sofern das ueberhaupt oepper list).. si gseht uus wie die da http://classifieds.austinchronicle.com/gyrobase/ViewAd?oid=oid%3A64433
de boge haet fascht kae haar meh drah, aber wenigschtens no bizli, kolofonium und stimmpfiife isch au im chaschte und de gseht uus, wi waenner scho um di halb waelt greist waer..ufm zaettel staht, si seg vom anton becker und ae kopie vonere stradivari..ich glaub noed, das si super oder vill wert isch, aber cha si ja wider verchaufe, waenni wider i de schwiz bi..ha etz mit taxe 160 dollar zahlt gha..und s'bescht, ich bi noed mal sicher dasses ae 4/4tel isch.. :( shaet im gschaeft namal eini gha und di saeb isch oeppe 2 cm groesser gsi, aber isch mer zimi gross vorcho, die isch defuer ehner zimi chli..super, ich weiss, villich hani etz gad ae chindergiige kauft, aber fuer de moment langets aemel :) tu etz gad nahluege, wi gross die muesstet si und denn poschti nachher noimed es massband und tu mal nahmaesse..
mal luege, ebi i mim 12 bett zimmer zum spiele chum, de pascal haet gmeint, ich soell doch as meer fuer das..mal luege..hauptsach giiiiigeeee :D

hallo
bi gad i de bibliothek vo santa barbara..isch riiiese gross und gseht meh nach chile uus, zimli s'zueg gsi, bisi die gfunde gha ha..bliib glaub no paar tag da, noed, wills mir da so suuuuper wuer gfalle, aber ha irgendwie gad kae luscht, scho wider uf l.a. zrugg zgah..
giige hani au gfunde, allerdings haets bi allne e macke, di einte zwei sind alt, mit koffer aber ohni boge, di eint devo wuer mer sogar gfalle ;) und ime andere gschaeft haets no e chinesischi mit boge, aber de boge isch noi und kolofonium haends kei, dh. spiele chammer demit noed..und chaschte haetsi au keine..mal luege, villich lauft mer ja no oeppis bessers ueber de waeg..
und mit de foeteli klappets au da noed, gseh zwar dae raechner, aber ich glaub die gaechtet gad d'boim uuf, waenn ich etz da wuer umeschrueble..

ach und das mitm vw-buessli choent oi so passe! ich tu das ja gern fuer oepper verschiffe, vorallem, waenni mis zueg det drin verstaue cha ;) aber wie soell ich das denn bis zum schiff bringe?

halloooooo
bi etz z'santa barbara :) ha huet mittag zmorro bay de bus gno und 3 stund in san luis obispo gwartet und bi mitm zug dkueste durab gfahre und etz bini da. dzug fahrt isch no zimi schoen gsi, ha allerdings weder delfin no en wal gseh obwohl ich mir fascht d'nase platt druckt ha a de schiibe :( (und das doch i mim reisefuehrer staht!?), aber ich isch echt empfehlenswert und bi froh, hani noed de bus gno..
vo santa barbara hani bis etz nani vill gseh, 1 mal verloffe ufm waeg vom lade zrugg (die haend da eifach gaaaar niened strasselampe), vill palme und so aber so das superdupperfeeling wi zsanta cruz hani bis etz nani..und z'zimmer isch au skrasse gegeteil vo letscht nacht: 12 bett!!!!!!!!! mal luege wi langi das da uushalte..
liebi gruess und so,
raja

hallo,
has doch mal wider anen ort mit internet uuuund natelempfang gschaft :)
bi gad ime kafi in morro bay..isch es zimlich chlieses stedtli mit so guet wi nuet und noed mal me strand sondern nur ere bucht..aber ha defuer scho 2 seeloie gseh, das macht etz gsammthaft 3 :) djugi bestaht da usme zimmer imene huus binere alte frau, nuet mit aagschribe wi susch amix und ich glaub si het au gar kae platz, waenn etz no oepper ander wuer uuftauche..und zersch hani s'gepaeck bim nachber in sitzplatz gstellt gha, willi noed gwuesst ha, wo etz die 'jugi' soell si..
biz sunnebrand uf de bagge hani mer glaub au scho gholt..und en outlet mit skater- und snowboardklamotte hani au gfunde - suuuper!! -wo soell ich nu mit all dem zueg hi?

gester bini z'cambria gsi. isch es no chliners kaeffli und mini sorg, di richtig strass noed zfinde haet sich zimlich gli klaert..es git naemmli nur ei strass und so oeppe 2 querstrasse..viiill tourilaede und bis zum meer gahts noed 1 mile wis mir gseit haend sondern minimum 2..und falls iirgendoepper susch mal no wird det hi gah, aes gaebt also au en shuttle as meer..waemmers weiss..

morn gangi glaub wiiter uf santa barbara, mal wieder noimed hi, wos au chli luet haet..

foeteli gits noed vill, aber bi glaegeheit chanis ja glich mal ue lade.

liebi gruess
raja

..mal wider nuet gsi mit wiiterreise, logischerwiis fahred ja am sunntig kei buess..isch ja gaaaanz normal..villich hani ja morn meh glueck..

san luis obispo

eigentli hetti ja no welle laenger in santa cruz bliibe, zum eine, will de bus nach monterey nur under de wuche fahrt, zum andere, wills mir det suuuuuper guet gfallt, aber alli australier und schwiizer wo ich di letschte paar taeg mitne verbracht ha (das sind fasch all luet wo ueberhaupt det gsi sind)(bin sogar i aaaalli bars ine cho, wommer probiert haend, die tuersteher muend blind gsi si, waenns mis geburtsdatum uf de id wueki noed entdeckt haend), sind huet gange und will mir gester zabig no chi en ungmueetliche zwueschefall gha haend mitme zimi komische typ wo bi ois im bungalow ufm sofa gschlafe haet, ha ich beschlosse, noed ellei mit dem det zbliibe -will ich denn sowiso chum gschlafe het- sondern huet scho wiiterzreise..mitm greyhound bis zur naegschte haltistell mit jugi..die isch 3 jugis wiiter une im suede, alsi eigentli vor gha het und drum reisi etz mal zur abwaechslig d'kueste duruf antstatt durab.

san luisi obispo isch es konservativ wuerkends stedtli umgeh vo huegel..chum mer chi vor wi ime bergdorf irgendwo i de schwiiz, nume ischs hald gruener. morn gangi denn richtig morro bay wiiter..

d'bildli vo santa cruz..

hallo,
das mit de foeteli haet bis etz nani klappt..aber blib glaub no biz laenger in santa cruz, villich findi ja no en usb-taugliche pc..

hallo
bin etz z'santa cruz! isch meeega schoen da :) d'jugi isch ufme huegeli gad ueberem meer, inere ville-gegend und bestaht us so einzelne bungalows wo ime paerkli verteilt sind. i mim haets 2 5-bett-zimmer, es klavier (nur chan ich ja so glohrrich spiele), chochnische ohni chochherd, esstisch, sofaegge mit fernseh, es riiese badzimmer und zwei wc, aso eigentli meh es appartment als jugizimmer..susch hends da allerdings no paar behindereti reglige, kei alkohol (was mir ja eigentli glich isch), kei schlafseck (?!) und usgangssperri nach de 11i! was mich ja ae noed gross tuepft, will ich ja sowiso z'jung bi zum furt ga, aber chi hollywoodschaukle wer ebe schono cool am abig..
d'luet wo da schaffed sind irgendwie all chi komisch und kompliziert und die i mim zimmer genau so, chunt vo london und macht biz en zrugg blibne iidruck..aber zrugg blibe sind i dem ort sowiso einige, haet da mega vill hippies wo immerno i irere eigne welt laebed..
santa cruz isch zimi chli und i 15 min laufe chunt mer so zimi ueberall hi..45000 iiwohner und devo sind 10000 nume weg de uni da..aber isch mega es herzigs stedtli, ballettschuel haets und en lade mit giige au (die faehlt mer naemmli mega), und meer und de schoenst strand wohni bis etz gseh ha, und d'berge sind au noed so wiit..wuer sich aso no fascht da laebe la :) ach und de skater park isch gad um de egge, riese gross und haet so guet wi kei luet - und ich huuuuen ha natuerlich mis board z'los angeles glah, schisst mi imfall mega ah!

mach denn morn no paar foeteli und so, aber vo dem pc wos da i de jugi haet chani die ebe eh noed ufelade..

d'jugi findeder under www.hi-santacruz.org. isch aber glaub noed so aktuell, hend aemel etz internet und fernseh..

liebi grueess us de sunne,
raja

bin huet uf alcatraz gsi, vill zverzehle gits eigentli noed, haend bestimmt scho all vo dem riese gfaengniss ghoert!?
..super sexy isch de foti wo sich da vor s'bild gstellt haet ;)

die seeloie wohned dae winter dur im hafe vo san francisco, maengisch angeblich bis zu 1000 und im summer meistens kei..isch no komisch, die ploetzli so ganz in aecht z'gseh und noed im zoo..

halloele
ha taenkt, schriib ma chi en zwueschebriicht, wasi bis etz z'san francisco scho so alles erlaebt ha :) ..au waenn d'schriib uussichte mit dere tastatur da noed gad umwerfend sind..

gester bini, noed wi planet, a die sunset-party sondern ha s'ticket verchauft und het mit dae sami, einere vo mim zimmer, nach muir woods welle, go so riiiiese alti boim aaluege. ha am abig vorher imene velo-miet-prospaekt gseh gha, dass mer det au hii fahre cha..gesagt, getan :) oder haemmer ois zumindest so vorgstellt..irgend eini vomenen touri-buero haet ois denn gseit, dass das ehner es

laebensmueds vorhabe seg und mir das eigentli chaenged vergesse, waenn mir noed iiiimmer velofahrid..daenn simmer ebe mit dea faehre zrugg uf san francisco, haend ae suppe-im-brot gaesse (mussi umbedingt ma nahchoche, waenni wider i de ch bi) und sind richtig strand gfahre zum de sunneundergang aaluege..was noed ganz so es eifachs underfange wi mer choent meine, da san francisco ja nur us huegeli bestaht.



huet simmer a ae riiese demo anegloffe, fuer d'iibuergerig vo all dene illegale luet wos da git, isch amazing gsi..weiss gad noed, wimmer das uf tuetsch seit..und irgendwie doch au mega trurig, zum eine ischs unglaublich gsi, mit wi vill iisatz all die luet fuer ihri raecht kaempfed, zum andere ischs eifach zum huele, dass all die tuusige vo luet wo vor mir dure gloffe sind, illegal sind..-und i de schwiiz isch das ja noed gross andersch!

spaeter simmer no dur chinatown zrugg zum hotel gloffe, de da isch vill chinesischer als de in l.a., villich liit das au drah, dass d'strasse hald noed annehernd so breit sind wi dete.
im grosse und ganze isch san francisco ae mega schoeni stadt, irgendwie tunkt si mi biz wi ae mischig us zueri und stockholm, meer und so...hett si noed sooo vill huegel, waer si echt umwerfend ;)

vorher haets gad gratis-znacht gaeh, zimi fein gsi :) und gits 3 mal i de wuche - und jede morge gratis bagels und zuegs zum druf schmiere..d'jugi isch es riesigs alts huus, zimi verhippied und de aess-und ufenthaltssaal wuerkt chi wines alts theater und naend sich au ballroom..

bin no gad drah, mini reis zrugg uf l.a. z'plane, s'hostel z'santa cruz hani feng reserviert aber wini det hi chum, isch nani so klar, es git naemmli so zimi kae oeffentlichi verchersmittel det hi..mal luege..wahrschindli mitm zug bis san jose und daenn - wi de vo de reception da gmeint haet - d'locals fraege, iiirgend en bus werdi scho fahre..