chicago
isch hald biz es durenand worde, aber hauptsach ufe glade :) -und NEI, das isch keis herzigs bueseli!..

philadelphia
..vo da aa sind alli foeteli mit de noie camera gmacht..unschwer drah zerchaenne, dass praktisch alli nach raechts chrum sind.. :D

new york

boston

back in l.a.
erschte iidruck: grauevoll, wi chan ich nur wider da hi cho si!
smog: scho oeppe 20 min vor de landig diiiick gsi
shuttle: guet 1.5 stund brucht fuer is hostel..mal wider froh, hani kaes taxi gno ;)
hostel: aaaalli furt und waeg userdem dani, aber wenigschtens :)
zweite iidruck: soooo schlimm ischs gar nuem, aber bi glich froh, waenni da waeg chum
uussichte: hawaiiiiii

hallooooo
laaange tag gsi, bi am morge ae halbstund in pool go schwuemme, nachher go laedele, museum, an strand, is meer go bade (!!!!!!!), nachher zu de sami und mit ihre und ihrem fruend dur miami gfahre und gloffe, haend mer so paar herzigi plaetzli zeiget :)

und ich moechte-gern-anen-basketball-matsch-hirni bin unverbesserlich, huet isch s3. letschte final gsi, natuerlich genaaaau in miami und mir sind natuerlich au genaaau dra verbii gloffe, aber nei, ich han natuerlich wider mal keis ticket gha :( gseht noed uus, wi waennis irgend waenn ma no zu eim schaffe wuer..

morn gahts zrugg nach l.a...noed wahnsinnig bock, aber das isch ja nuet nois..

seich, tummi foeteli! etz hani welle vo de camera ufe lade und etz ischs glich au noed gange :( baaaaaeh...

swaetter da isch noed gad winis erwartet het, gester haets gstraetzt und huet ischs eifach mega bewoelkt und sklima isch oeppe wi i de masoala halle..waenn noed no naesser..

wuah, nei, eifach zuuuu tuuuumm!!! scho cd parat i de hand gha und etz wott das tumme cd-laufwerk noed uufgah! irgendwie verchlaemt..soett angeblich funktioniere, aber uuf gahts ganz eifach noed :( villich findi ja i dere stadt susch en pc woni mini bildli cha ue lade :( so tumm..echt..

halloooele,
bi etz in miami, mit nuuume 2 stund verspaetig!!! unglaublich!! :D defuer haet mi das tumme taxi ganzi 40 dollar koschtet, ha doch mit 10 oder so graechnet gha..aber villich isch besser, ich tu etz gar noed laenger drueber nah taenke, dass es busticket villich aen 10tel so tuer gsi waer..

hostel haet glaubs en bildli-ue-lade-faehige pc, swimmingpool, kei zmorge und gseht chi uus wi es hotel..susch gits nani vill zverzelle, bi etz ersch gad cho und todmued..

mooorge!
voll di (doch no fascht waeltuntergangsniveau)story, wi ich etz trotz allem no nach washington cho bi..
aaalso, zersch hani mal zchicago am bahnhof mis gepaeck nuem usm schluessfach bracht, will das trotz fingerabdrucksicherig und 6-stelligem code nuem haet welle uufgah..was allerdings no witzig gsi isch, de agstellt wos daenn ueber de server entlockt haet haet weder en uuswiis no en fingerabdruck welle gseh!?
daaaen, de bahnhof haet uusgseh wi en flughafe, isch au entspraechend abgloffe, nume no vill buerokratischer, ewigslangs boarde fuer di ueber 62-jaehrige und chind under 10ni (und natuerlich alli stolze veterane) und woni daenn mal drah cho bi haend nume knapp 10 luet ufs mal ufs perron daerfe und daenn immerno nu i einerkolone (ueberholle uf de andere perronhelfti haet en zaemeschiss gaeh)..has daenn aber glich mal no gschaft und mir sind meh oder weniger puenktlich soo langsam lostuckeret, dasst verspaetig scho mal klar gsi isch..
s'beschte chunt etz aber erscht no: so gaege mitternacht haet de zug mal wider 'in the middle of nowhere' aaghalte und zwar noed nume zum en andere zug abwarte (will die sind naemmli cho und cho und cho und cho..) sondern zum de lokifuehrer zentlah! will de gad irgend es signal noed beachtet haet!? sind mir also zmitzt i de nacht ohni lokifuehrer (bzw. arbetslosem) irgendwo zmittzt in amerika gstande und haend oeppe 4 1/2 stund uf en neue lockifuerer gwartet..sind daenn schlussaendli mit 8h verspaetig und nuuull naerve glich no in washington d.c. aacho..mit meh fascht lehre zug, will alli wo irgend en aaschluss gha hetted haends zwuesched inne mit buess abgfange..

wenigschtens isch de naebed mir no luschtig gsi und mir haend ois chi gegesiitig gschichtli verzellt und gjammeret - und ich han gaaaanz vill ziit gha zum fotibuecher laese..etz chumi daenn scho fascht druus wi das funktioniert ;)

han mer daenn schlussaendli no es taxi gleistet id jugi, echt kae luscht gha, no 2, 3 meile im zuegs ume irre mit minere taesche..

uuund cha bis am friitig in d.c. bliibe, es langet, waenn ich am zug-billet-ablaufdatum-tag vor mitternacht in zug stiege, muss also noed scho morn wiiter :) sondern cha nachi go gratis museum aluege und farbbuetel ruere ;)

hallo,
gaaaanz wichtig, umbedingt noed vergesse: huet gaht dwaelt under, oder aemel zumindest die in amerika..also umbedingt vorher no staubsuge, feischterputze und vorgaertli rasemaeie, damits au chli en raechte iidruck macht, am letschte tag! :D

http://www.msnbc.msn.com/id/13134489/

http://www.cnn.com/2006/US/06/03/hell.party.ap/index.html

wuah unglaublich, da haets 150 gratis internetpcs i dere bibliothek :) ich natuerlich gad kameras uuspackt und agfange aastoepsle, aber nee, scho wider nix mit bildli ue lade :( verbote, es graet aazschluesse..so tumm..anders mal villich..

morn gahts wiiter bzw. zrugg nach washington..hoff, brucht noed wieder 27h..
waetter da isch schoen, noed ganz so schlimm heiss aber sunnig - und ha scho wider de ganz rugge verbraetlet wili gester bizli am strand ghocket bi..

ha no paar foeteli welle ue lade, aber de pc isch soooo langsam, haet ueberhaupt noed klapped.. :( probiers denn morn vo noimed andersch uus namal..

hallo,
bi etz zchicago, nachdemi (vor)gester fuer ei nacht zphiladelphia gsi bi und denn 27h zug gfahre bi, e unglaublichi zahl, eigentli hettets nume soelle 24 waerde, aber uf die 3 verspaetig chunts schlussaendlich gar au nuem ah..eifach so en tag verlohre und waenni nachher wider zrugg uf washington fahr, verluehri gad namal eine..aber wenigschtens hani daenn mis uebertuerete bahnbillet usegholt ;)

philadelphia isch unglaublich patriotisch, architektonisch eigentli no schoen, aber dluet wo det wohned passed ueberhaupt noed is bild..alles zimlich verhange, verarmet und ich ha mal wider als einzigi wissi zimlich vill schraegi blicke zuegworfe kriegt i de ubahn..defuer han ich doch scho sooooo bruni aerm!!! ;)

chicago isch glaub no easy, shostel woni bi isch chli im zueg usse, aber das haet sini vorteil, dassi 14 dollar weniger zahl als im zentrum und ich gseh daenn au biz oeppis vo de luet und noed numme stourischte zueg..zum bispiel s'offizielle quartier-internet-kafi waens dusse scho am iidunkle isch und mini nerve scho langsam wider floete goend..aber angeblich segs da sicher..