mini update

dä pool i dä "sidlig", wommer gester mitm velo ane sind...

dmuschelsammlig vo 2 tag uf mim balkon. inzwüsche sinds scho wider paar meh. und swäred no viiiiill meh, wänn ich meh händ het! wini die id schwiiz bring, weissi ja ä nani...

hüt simmer mitm auto an strand. so wörtlich cha das warschindli susch fasch niemer :)

ich by henrik

ha vom wasser us so en riiiiiiese chräbs gseh, aber bis ich duss gsi bi und dkamera gha ha, ischer natürlich i dem loch verschwunde gsi.

en andere chräbs. super mini (ämel im verglich zum erschte) und vorallem quasi durchsichtig.

"mis" auto.

no paar bildlis zu hüt

meeeeeeer


dtankstell wo ich und dmary-anne uf staxi gwartet händ fü id mall

äs minareeeeeeeett

shät letscht wuche en taifun gha, drum isch überall no nass, susch hets da schiins niened wasser...hinedra, bi de palme isch dautobahn, wommer aber ä rächts cha aahalte, zum usm taxi uststiege oder mit de flipflops drüber seckle (git ämel söttig, wo das mached).

aacho..

uuh, gad feschtgstellt, dass dä blogger etz uf arabisch gschribe isch..rächts wörtlirate gsi, bisi dä richtig link gfunde ha...

also, bi gester znacht aacho, mit zimi verspätig, willses in züri scho nüm gschafft händ, rächtziitig abzflüge.

dubai, oder zumindescht, wasi devo gseh ha

dä flughafe da isch super schön, gseht us wi usme märli (ämel vo usse), aber dä ganz ablauf, wod etz wänn as touri hii muesch, isch nöd so klar. has dänn aber glich no gschafft, zersch gäld zwächsle, damiti cha es viisum zahle und dänn hoffe, dass mer dä nägscht typ au eis uusstellt. hät es ziitli brucht, bisi gmärkt ha, dass die manne mit dä wisse nachthämper eigentli autoritätspersone wäred und nöd eifach umeploischled.

mini erscht unterhaltig mit de maid:

"are you married?" - "no but i do have a boyfriend." - "oh, so you are a single?" - ääääh?!? "no, i'm just not married, you know in switzerland you don't usually get married when you are my age." - "oh! do you have a baby?" - ääääääh?!? "no, i don't!?"

und hüt abig bini no mit ihre id mall, gseht det chi us, wi wänn eine mal id usa wär und dänn au so es ding hät welle ufstelle; - isch zimmi sicher ä so gsi. dä carrefour gseht glich us wi i de schwiiz, mitm unterschid, dass di grosse tafle uf arabisch und änglisch agschribe sind, statt uf tüütsch - und dass mich alli lüüt blöd agluegt händ, hoffe das gaht ma no verbii.

ah und am meer bini hüt au no gsi :) so quasi privatstrand..bzw. mär sind eifach di einzige gsi dete. wär hetti tänkt, dass ame strand muschle hät!? hani natürlich gad jeeeeneees muschle müsse ipacke...bzw sand häi schläike...

das isch so chi squartier, simmer hüt mittag go en spaziergang mache..villich nöd umbedingt di bescht idee gsi, am mittag...nägschma weissis...überhaupt, hani eh nöd demit grächnet gha, dassi 3 mal am tag mini chleider muss wächsle... :S

mine balkon

und mini ussicht

und ich im spiegel

besseri fotis chömed dänn irgendwänn ma no, bis etz hanis nani wiit gschafft..

warte ufs flugi..und warte..und warte..und warte..

wenigschtens häts da jeenes vill heftli gratis, won ich natürlich au gad es bigeli iipackt ha und glorricherwiis vorher zuevelligerwiis nöd no eis am kiosk kauft :) ich han etz äs air, es mädchen (leider ohni superspecial extra peacechetteli), äs si style, es bulletin und es hear the world. ma luege eb das langt für 9 stund...

sodeli, ha tänkt, ich stell mal wider chli bildli online..
sind vom contest zsaas fee, zimlich wild uusgläse und ä nöd all bearbeitet..

sodeli ha tänkt muss mal wider chli bildli ufe lade..





und dänn muss ich mal wider chli werbig mache -> popcorn

aaaaalso, mal ziit für en chline zwüschebericht, ganz ungwohnt und doch altbekannt usm internetcaffi - will swireless dihei mich etz plötzlich glich nüm wott ine lah :(

nuis:
äs hät dänn vom friitig uf dem samschtig doch no öppe en halbe meter schnee gäh und isch eigentlich über dnacht winter worde, di letschte paar täg ä ganz schön chalt gsi und hüt ma wider chi wärmer..und han scho mini erschte stunde gä hüt, morn dänn namal de glich..

joah, das wärs scho, öhm, glaubs ämel,
allne schöni ziit und vill schnee ;)
raja

nius usm pflotsch-sturm:
also, nächdäm ich dänn hüt morge grossartig ufgstande und ufm wäg zu de bahne en kolleg troffe ha wo gad da i de ferie isch, isch dänn uscho, dass dbahne ja gar nöd laufed, wills zfescht windet..das hät sich dänn au de ganz tag nöd gänderet, also händ mir ois am üebigshang e stange und zwei schuffle usglehnt und es paar stund grailed :) glich no luschtig gsi, ä wämmer de schnee rundume immer wider händ müsse zämechratze zum di brune löcher überdecke :)

hoff, morn isch dänn besser wetter..

das wäred dänn no mini noie klamotte, han extra es paar ganz nigelnagelnoi übercho, morn dänn gad luege, ebs ä würklich dicht hebed..

ha tänkt, zum min helsana-abschluss ä no publik zmache, chönti no mini 'abschlussarbet' ;) ufelade :D

hollooooo,
aaalso, bin etz nach langem reise und grauevollem kofferschleike mit zimlich villne bloiele und muskelkater doch no in saas fee acho :) morgn boardn :) -voruusgsetzt ich brich mir nöd vorher no uf oisere blitzblank isige stäge sgnick..
vill zverzelle gits eigentli nanig, morn dänn mal goge mini 'uniform' holle und dänn chas los gah..
villich tuni bi glägeheit mal nochli wohnig-föteli ufelade, aber die grad vorher per zuefall entdeckti internet leitig isch ehner mies und drum chönt das au nüt werde..

liebi grüess usm schnee (ja, de häts, so öppe 15 cm und drunder isches blanks iis..)
raja