happy birthday to me! happy birthday to me! happy birthday dear raja! happy birthday to me! :)

etz wo ich sogar no mis geburtstagschaertli fertig gmoeggelet ha, chan ich ja daenn gli mal is bett..und geburi isch ja eigentli ersch i 10 minute..

super, was mir huet wider passiert isch..ich gad mal wider anere giigestimme am holliwood blvd. wo zwei type cho sind und gfraegt haend, eb ich i ihrere rockband well spile!!! :) ha ihne daenn gseit, dass ich nuno paar tag da seg :( und nach langem, seg aber schad, und isch aber schad und so tumm und ich hetti super id band passt, sinds wider verschwunde..und nach langem ueberlegge, hani daenn am derren dgiige id hand druckt und binene naahgraennt, wenigschtens dnummere zkriege oder so..sie haend mi daenn bis zu de wohnig gfuehrt, cd laufe lah, mir id haend druckt, beduret, dass ich noed laenger blib und dass isches daenn gsi mit minere rockkarriere..zu tumm, wett ja sowiso ine band und das waer zimi genau die musig, woni wett mache :(
-> www.drewgasparini.com

8 things you need to wait for the bus at 8.30 pm:
- dicke pulli
- riese grossi chopfhoerer (egal eb mit oder ohni discman)
- busbillett im lingge hosesack
- pfefferspray im rechte hosesack
- natel z'oberst i de taesche (obwohl, dchance kei empfang zha zimi gross isch..)
- dfaehigkeit alles um dich ume ignoriere zchoene
- bizli muet
- und trotz allem svertraue id maenschheit noed verluere ;)

iiich mal wider..
bin huet anes 4th-of-july-konzert ime park in beverly hills gange, dasses seeeeehr amerikanisch gsi isch, mussi ja fascht noed erwaehne, bin eigentli au nume gange, will de eint vo mine 'strassemusiker' det gspielt haet..
und etz bini im 'grove' und warte bises tunkel wird und daenn wotti eigentli vom dach us dfuuerwerk aaluege, isch allerdings so e rajaidee, kei ahnig, ebs daenn au wuerkli oeppis zgseh git, het eigentli an strand nach santa monica welle, aber bi noed sicher gsi, eb oepper mitchunt und ellei hani noed welle haei fahre..ja, etz ebe mal gucken..
hoffe, cha gli mal wider chi foeteli ufe lade..liebi gruess und so,
raja

maui pictures 3.5/6
road to hana
(au alti kamera..)

maui pictures 3/6
haleakala volcano
(alti kamera und chronologischi reihefolg waer vo une nach obe..)

maui pictures 2/6

maui pictures 1/6

bi etz wider zrugg, und ha sogar es bett fuer di ganz naegscht wuche, muss zwar ei mal szimmer waechsle, aber das isch noed sooo tragisch..
faehlet mer gad mal wider chi alli tuetsche woertlis..

hallooooo
ich bin doch eifach super, isch mer irgendwaenn no in sinn cho, dass ich ja no gar kaes bett reserviert ha in l.a. uuund etz isch natuerlich scho uusbuechet..morn haets no eis frei gha, mal luege ebs mer daenn no irgendwo eis findet..susch schlafe ebe ufm sofa im ufenthaltsruum, i de lobby oder gar noed es paar naecht lang :D
och und ha huet mis boogieboard uusprobiert, bin glaub absolut antitalentiert, ha mich noed mal choene entscheide, welle fuess dasi wott vore ha, chli sglich wi bim skate und boarde..ich glaub, das wird e reinkarnation zum tischli erlaebe..i de schwiiz chani das ja daenn definitiv eh noed bruche..

fuer mis mami und alli andere wo 'nussigi' nuess waennd:
http://www.maunaloa.com/

uuh, bin huet am morge am 2 uufgstande zum de sunneundergang vom vulkan uus aazluege..bi mer noed so schluessig, ebs das au wuerkli waert gsi isch, han dbildli nani aaglueget, sind zwar uf cd und het etz no paar welle ufe lade, aber gsehs nuem so ganz, meeeega uebermuedet und im moment isch gad alles nuno luschtig.. :)
nachem sunneundergang luege/fruehre simmer goge so richtig pancakeamerikanischzmorgeaesse, auto zrugg bringe, steffi verabschiede und laedele..weiss gar nuem, was ich alles kauft ha, aber zumindescht es boogieboard, wohni daenn morn gad wott uusprobiere bim schnorchle :) hoff bis daenn bini wider wach ;)
liebi gruess und schoene tag und so,
raja

han gad smail kriegt, mis flugi zrugg isch am dunnschtig..waer mer etz eigentli ae no fascht glich gsi, ich waer ersch am maentig zrugg gfloge..daenn gettis villich wueki no zum surfe gschafft, morn wird naemmli nuet, willi niemert gfunde ha wo mitcho waer..

halloele,
ha taenkt, bevori mis strassemusikerdasi notgedrungenermasse verprofessionalisiere, starti e umfrag:
wer weiss en dummie-job fuer mich fu ein, zwei monet?

vom wettbewerb usgschlossni antworte sind:
gruezi-mir-sind-super-und-si-muend-umbedingt-oisi-staubsugend-quitscheente-
poschte! eb-si waend-oder-noed!-call center-vorschlaeg sowie kantonali verwaltige i eim vo de schwizer URkantoen mit eim ftp-nationaratssitz und zwei cvp-staenderaet, will mini bundesratskandidaturchance dadur choentet krass verringeret werde; und ich ja kei kaffi trink ;)

zguenne gits entweder en original echtheitszertifizierte, handufg-/erlaesene, rajaexportierte mauikraterbimsstei oder es original rajahaar mit schoppepulvernachwiis!!!!!!

hallo,
bin huet 12 mile dur de groescht angeblich inaktiv vulkan vo de waelt gloffe..sletscht mal wueki gspoitzt haet de 1790 und etz soells die naegste 100'000 jahr nuet grosses gaeh, was ich ja noed so wueki glaube..
dlandschaft isch zimi abwaechsligsriech gsi, vo aeschewueschti, ueber iisgstorbni stei-mondlandschaft zu halbem raeagewald..und di letschte 4 mile numeno irgend es felswaegli de berg uf durd wulche..

http://www.nps.gov/hale/
craterlivecam: http://banana.ifa.hawaii.edu/crater/