aloooohaaaa
aaalso, mir sind etz wider ganz i de naechi vo l.a., nachdem mer etz e wuche lang im nirgendwo ume duesed sind...
-> zerscht d'distanz vo l.a. uf grand canyon um paar wenigi hundert mile bizli verschetzt, woruf mer daenn irgendwo uf de strecki im 1. motel pennt haend und am naegschte tag vo det us uf las vegas gfahre sind
-> las vegas isch wi las vegas ebe isch..super..(zu miner entschuldigung, eigentlich hock ich etz gad schlafwandelnd vorem erste pc sitere wuche..) hotel isch spitzig gsi, wis vonere pyramide zerwarte isch, weniger luxurioes als erwartet und das gaeld wo mer im kasino verspielt haend haemmer mit drinks kompensiert :)
-> serscht mal irgendwo im nirgendwo bi de baere undm plumpsklo zaeltet..
-> trotz allem glich mal no in grand canyon gfahre, 25 dollar iitritt zahlt und knapp 30 min steindli aaglueget..will zum gad wider gah, ischs scho bizli ztuer gsi..
-> di glorrich idee gha, mal e nacht im auto zpenne..definitiv di letscht gsi, no schlimmer als zaelte..
-> nacher schlaflos 500 mile wiiterfahre..damit mer via salt lake city zum lake tahoe cho sind, wommer eigentli ja gar noed hi haend welle, aber glich ganz schoen isch - und daenn erwartigsgemaess wider im motel gschlafe haend..eis vo de wenige wo noed matterhorn gheisse haet..
-> nach angels camp cruised, nomal zaelt uufgstellt, naebed oisere privat badeschlucht, und huet mit 'aekegstabi' (usserzuercher) goge vwbuessli und chaeferli aluege..und nachher da anne is naegschte motel gfahre..und morn mal luege..

liebi gruess und so, und ja, mir laebed no immer..