tami, etz schribi de iitrag scho zum 4. mal will das feister amix eifach zue gaht !?!?!
wott umbedingt zoepfli mache, und ha au scho stunde im internet mit sueche verbracht, aber di einzige zoepflimacher woni find sind all in brooklyn, bronx, jamaica oder harlem, snaegscht 10 strasse vo da waeg, was geografisch kaen underschid macht, aber sicherheitstechnisch scho..haet mir drum gester di eint vom zimmer so e story verzellt, dkollegin seg mit de ubahn 1 zwit gfahre, heg welle ueber dstrass zu de andere haltistell laufe und daenn seg gad dpolizei cho, was si da machi, das segi zgfaehrlich fuer wissi..und das sich au nu 10 strasse waeg gsi..etz weissi voll noed, wasi soell mache..wott doch zoepfli, aber waeg denen noed gad usgno werde.. :(
und susch, ghoert bi oi seg snowboardjagge waetter, was mich natuerlich freut :) gester extra no am reisebuero es mail gschribe waeg mim flugi umbueche, aber die ignoriered mich glaubs..am flughafeschalter vo british airways haends mi nume uf sone luschtigi hotline verwiese und di saeb meint nume, mini warteziit betraegi 15 minute.. :( ..irgendwaenn nach 10 hanis daenn ufgaeh gha..also sobald mir oepper wott es anders flugi gaeh chum ich daenn mal wider id schwiiz mit de snowboardjagge go umelaufe :) winteeeer :D

und no meh suscht, hm, ich han abem dunschtig mal wider kaes zimmer, new york isch irgendwie voellig usbuecht..huere tumm..