*heeeeeeuul*
uaaaa, mega schlimm, min laptop isch kaputt :'( hanen etz gad welle aastelle zum dfoeteli ufe lade und dhelfti vom bildschirm tut nuemme!!! diagonal vo obe raechts nach une links gits nuet meh und aen systemfaehler haetter glaub au no!!! voll zum bruelle, was mach ich daenn etz!?!? etz han ich en doch extra mit gno, damit ich s'internet-kaffi-gaeld cha schparre und immer foeteli uf de blog lade und etz ischer kaputt gange *heul* daefuer hani doch extra no alles gepaeck umpackt gester znacht, damiti en als handgepaeck ha choenne mit is flugi neh und etz ischer wahrschindli uf dae shuttlefahrt vom flughafe bis id jugi druf gange..gstorbe..buhu..das isch s'einzig stuck wohn ich en mit dae andere sache i dae taesche gha han! :'( chum glaub gad wider hei :( daenn chani mer das gaeld spare wohni susch no usgib zamerika und mer en noie laptop poschte :( und us de kamera wird etz ja bestimmt au nuet :'( muessti ja zersch no im lotto guenne.. :( und so super wi ich ja backup gmacht ha isch etz alles verlohre..huere tumm fuer mini foeteli..ha gester no taenkt gha, ebis aecht noed no besser vorem umereise uf cd braenne soell..tami.. *heul* und all die software wohni no druff gha han..fuuuurt..waeg..baaaaaeh... und skype chani au nuem :( ..


boston waer eigentli no schoen, bis vorher haets mer aemel no mega guet gfalle gha da (und etz isch eh gad alles scheisse..faehlt nurno, dass mer dgige oder de foti oder de pass chlaued) und im hostel haets au noed so klappt gha, wis het soelle, han fuer 2 naecht reserviert und bestaetigt kriegt, aber etz chani wahrschindli glich nur eini bliibe!?! morn seg scho uusbuecht und ich hegi nume 1 nacht reserviert..so en quatsch! staht ja i ihrem mail ich hegi 2! etz mussi mal luege, s'zugbillett isch ja ersch ab uebermorn gueltig und vo de andere jugi wos da no git hani nume schlaechts ghoert (kei schloesser a de tuere, numme penner im huus, draeckig..) det wotti eigentli noed hi..

mal luege, ebi all die vile foeteli wohni vorig gmacht ha mal no noimed cha ue lade.. :'(

irgendwie hald doch noed so min tag huet..haet noed guet aagfange und haert noed guet uuf.. :(


spendekonto: 87-271466-2
haha