hejhej,
bi huet mal chi in new york umegirrt, 42nd street, broadway und alles wo so rundume isch..uf de 7th avenue isch en riese maert gsi, wahrschindli will huet memorial day isch, cha mer noed vorstelle, dass die strass suscht au oeppe sperred :) han daenn au zimli gli mis vorhabe, keeeei gaeld uuszgaeh ufgaeh gha..haet so vill sache fuer 'nume' 2 dollar gaeh..2 und 2 und det namal 2 und det au..hmhmhm..
ha denn mal us seich bime fotigschaeft no gfraegt, wivill dnikon d70 choschtet, und de haet mich daenn gfroegt, wi vill ich wuer zahle, zimi verdattered hanem klar gmacht, dass ich die etz ja eh noed wuer chaufe..er haet gmeint 700 dollar..hetten soelle fraege, ebi si fuer 500 cha ha, das waer oeppe en drittel vom ch-priis :D mal luege, villich klapperi no paar gschaefter ab und lueg, wi guenstig dassisi ueberchaemt..aber eigentli bruchi etz ja zerscht en laptop! han uf dell eine gfunde fuer 750 und denn chammer no so chi uuswaehle, was mer bessers wot (en guete bildschirm und so waer ja no praktisch fuerd kunschti und zum filmli schniide) chaemt daenn schlussaendlich oeppe uf 1000 dollar..was ja generell noed so vill waer fuer en super pc..ha allerdings huet sottigi fuer 350 und so usgstellt gseh, aber noed gnauer glueget, cha mer irgendwie noed vorstelle, dass die neu, noed klaut und funktionstuechtig sind?! oepper e ahnig?
appropos billigwar, bin etz stolze bsitzer vonere 10-dollar-uhr, gseht genau so uus wini scho sit 10 jahr ma ha eini welle, so chlotzig, silbrig mit blauem zifferblatt :)

vorig woni no chi in central park bi go zeichne (wi fasch jede abig) bini gad no ane shakespear-hauptprob anegloffe, die haend am tsiischtig premiere im park, gratis, mal luege ebi gahn, isch ja gad bi de jugi..und gratis..aber verstah wuerdi wahrschindli noed so en huufe, goethe isch ja scho astraengend -und saeb isch tuetsch!