heidihou, mir sind etz sit gester in new york! :)
szimmer wo mer i de jugi gha haend isch e zimlichs loch gsi und drum goemmer etz gad uf staten island in e suite - fuer ei nacht (und isch billiger als all andere hotelzimmer woni znew york aagluete han) und nacher daenn in es normals zimmer fuer no zwei naecht..
und gad no doppel super duper, mis gepaeck haets noed nach new york gschafft :( obwohl das etz im momaent mit dere ganze umezueglete gar noed sooooo schlimm isch, isch glich tumm dass ich ueberhaupt nuet debi han..und de burner isch vorallem, dasses eigentlich am pascal sini gepaeckchlaeber gsi waered, also eigentli sis gepaeck wo verschwunde waer und noed mis!!!!!!!

ach und han mal wider so en superduper security check derfe dure gah am flughafe (wieso iiiimmer ich?), zimlich geisterbahn gsi,muesse so inen chaschte ine gah und daenn haets vo rundume luft uf mich gschosse und blinket..hoffe die haend de znew york noed au, bzw. die naemed mich aentlich ab de terrorischte lischte..